Uttiger Pfyfeclub
locker, fröhlech und respäktvou
Dr Uttiger Pfyfeclub
Unger em Name Uttiger Pfeifenclub besteit ä lockere fröhliche und gmüetliche Club vo Gnussmönsche
Dr Club bezwäckt:
- d Pfleg vo gselligem Zämesy
- gmeinsami Rundine mit Bier, Whisky und Tubakpfyfe
- Ustusch über Tabak, Pfyfe, Gnusskultur und Läbesfröid
- Förderig vor Kameradschaft, Humor und gueti Stimmig
- glägentlechi Aläss, Usflüg und Themeäbe
Dr Pfyfeclub gseht sich als unzwungni Gmeinschaft ohni unnötigi Bürokratie. Gselligkeit steit vor Ernsthaftigkeit
Mitglid cha jedi voujährigi Person wärde, wo Fröid a Pfyfe, guetem Getränk und gselliger Rundi het.
D Ufnahm erfougt unkompliziert dür Yladig oder Zuestimmig vo de awäsende Mitglider byre Clubrundi.
Jedes Mitglid verpflychtet sich zu:
- kameradschaftlichem Verhalte
- Rücksichtnahm uf angeri
- ä pflegte Umgangston
- Fröid am Zämesy
- verantwortigsvoue Gnuss vo Aukohou und Tabak
Clubäbe finge nach Luscht u Luune statt. Si finge ufem deckte Vorplatz vom Atelier ar Thunstrasse statt.
Wär duurhaft schlächti Stimmig verbreitet, respäktlos handlet oder d Gmüetlechkeit grob stört, cha nachere ehrleche Ussprach usem Club usgschlosse wärde.
Wie chunnsch du zum Pfyfeclub
Y Pfyfeclub chunnsch du, we du öpper vom Vorstand kennsch, äs paar Wort ustuschet hesch über dyni Motivation, oder de vomene Mitglid empfohle wirsch.
Du hesch Intresse, de mäud di doch bi eim vo üs:
Du chasch hie übers Kontaktformular Kontakt ufnäh, de landisch im Postfach vo tubakpfyfe.ch respektive by Märcu
Du darfsch aber ou mit eim vo üs schrybe oder alüte:
Albert: nou sibe nün drü eis nou drü zwöi eis sächs
Schulti: nou sibe nün vier drü nün sibe acht sächs zwöi
Willu: nou sibe nün drü nün nou acht nün füf eis
Theo: nou sibe acht vier eis nou zwöi sibe füf füf
Märcu: nou sibe nün füf sibe füf sächs vier eis nou